السلام عليكم ورحمة الله وبركاته
عموما ياسادة اليوم حنسوي أختبار حقيقي لمدى محبتك لحبيبك
، الي يبغى يخش الأختبار يرفع يدو من جد ترى أتكلم 
… أمممممم كويس كويس أنتا يا طويل نزل يدك ماني شايفة الي وراك 
.. أيوه ممتاز
تخيل حبيبك أو حبيبتك قدامك دحين
.. أمك ، أبوك ، جدك ، جدتك ، خطيبك ، خطيبتك ، زوجتك ، ولا زوجك ، أي حاجة كدا ولا كدا هههههه المهم شخص تحبه من أعماق أعماق قلبك وماتقدر تسيبه أو تنساه للحظة .. تخيلتوه ؟؟ شايفينو ؟! 
تخيل لو عرفت عن طريق مصادرك الخاصة أنو الشخص دا يحب الكوارع
!! أححم .. طيب نغيرو ..
تخيل معايا لو عرفت أنو يحب حاجه معينة ، يحبها مرررة و أكيد حيحبك زيادة لو سويتها له .. حتترد في تنفيذها ؟! او حتى تعملها عشان خاطر عيونه الحلوة ؟
طيب لو كانت الحاجة دي الي حبيبك يموت فيها صعبة شوية ؟ حتكنسل وتبطل تسويها ؟ .. حتقول يوووووه وربي دا مرة غثيث مرة قلق ؟! .. ياشيخ لو طلب لبن القرد حتجيبه صح ؟؟
حلو كدا متفقين أنو مهما كان طلبه ولأنه يسوى دنيتك ومافيها حاتلبي له طلبه وكلك أمل أنو يحبك أكتر و أكتر و أكتر .
طيب لو برضو عرفت من مصادرك الخاصة وبعد جهد جهيد أنو يكره الفاشلين .. حتتعلم تنجح حتثابر وتعود نفسك على شيء أنتا ما تعودت عليه عشان أيش وعشان مين ؟!
عشان كل دقة في قلبك تقول لك يابن اللذين أمنوا كل دا الحب وماتقدر تغير شي في نفسك للأفضل !!
لهذه الدرجة تحب حبيبك ؟ تعرف أن التغيير صعب لكن تبذل المستحيل عشانو ؟ بس عشانك تعرف حبيبك حق المعرفة و كل جوارحك وكل ذرة في جسمك تعرفه .
طيب لو حبيبك على بلاطة قال لك أنا أحب كدا وكدا وحنبسط مرة مرة مرة لوسويت لي هادي الاشياء .. ؟!
وقال لك أنا أكره كدا وكدا وكدا و أتمنى أنك ماتسويها .. ؟!
إيش تبغى أحلى من كدا !! وفر عليك عناء البحث والمصادر الخاصة و الرشاوي والمطاردات و القتل
<< مكثر أفلام
أنتا دحين تشوف حبيبك صفحة قدامك تعرف أيش الي يفرحه و أيش الي يكرهه !!
ياااهوووووووو أيش الحلاوة دي !!
طيب تخيل واحد يقول أنا أمووووووووووت في حبيبي و يعرف انو حبيبيه يحب كدا ويكره كدا ومطنش ونايم في العسل !!
هذا بالله يحب ؟ .. أكيد لأ
طيب لمن تعرف أنو حبيبك الأسمى محمد صلى الله عليه و سلم يحب أنك تصلي السنن الرواتب ، يحب أنك تصلي الوتر ، يحب أنك تصوم 3 أيام في الشهر بس !!
لمن تعرف انو يكره أنك تخوض في الشبهات لمن تعرف أنو يكره أنك تأخر الصلاة عن وقتها ، يكره أنك تقص قصات غريبة عجيبة !!
لمن تعرف انو يزعل مرة لمن تترك الصلاة يزعل أكثر لمن تقول لأمك ولا لأبوك ( أوف ) يزعل لمن تحلف كاذب !!
كل هذا تعرفه وبدون تعب ولأنه هو يحبك قال لك أياها ومازلت تعاند !! مازلت غير مهتم !!
أسألك بالله هذا حُب ؟!
أنتظر تعليقاتكم... محبتكم /حورية صغيرة
عموما ياسادة اليوم حنسوي أختبار حقيقي لمدى محبتك لحبيبك
، الي يبغى يخش الأختبار يرفع يدو من جد ترى أتكلم … أمممممم كويس كويس أنتا يا طويل نزل يدك ماني شايفة الي وراك .. أيوه ممتاز تخيل حبيبك أو حبيبتك قدامك دحين
.. أمك ، أبوك ، جدك ، جدتك ، خطيبك ، خطيبتك ، زوجتك ، ولا زوجك ، أي حاجة كدا ولا كدا هههههه المهم شخص تحبه من أعماق أعماق قلبك وماتقدر تسيبه أو تنساه للحظة .. تخيلتوه ؟؟ شايفينو ؟! تخيل لو عرفت عن طريق مصادرك الخاصة أنو الشخص دا يحب الكوارع
!! أححم .. طيب نغيرو .. تخيل معايا لو عرفت أنو يحب حاجه معينة ، يحبها مرررة و أكيد حيحبك زيادة لو سويتها له .. حتترد في تنفيذها ؟! او حتى تعملها عشان خاطر عيونه الحلوة ؟طيب لو كانت الحاجة دي الي حبيبك يموت فيها صعبة شوية ؟ حتكنسل وتبطل تسويها ؟ .. حتقول يوووووه وربي دا مرة غثيث مرة قلق ؟! .. ياشيخ لو طلب لبن القرد حتجيبه صح ؟؟
حلو كدا متفقين أنو مهما كان طلبه ولأنه يسوى دنيتك ومافيها حاتلبي له طلبه وكلك أمل أنو يحبك أكتر و أكتر و أكتر .
طيب لو برضو عرفت من مصادرك الخاصة وبعد جهد جهيد أنو يكره الفاشلين .. حتتعلم تنجح حتثابر وتعود نفسك على شيء أنتا ما تعودت عليه عشان أيش وعشان مين ؟!
عشان كل دقة في قلبك تقول لك يابن اللذين أمنوا كل دا الحب وماتقدر تغير شي في نفسك للأفضل !!
لهذه الدرجة تحب حبيبك ؟ تعرف أن التغيير صعب لكن تبذل المستحيل عشانو ؟ بس عشانك تعرف حبيبك حق المعرفة و كل جوارحك وكل ذرة في جسمك تعرفه .
طيب لو حبيبك على بلاطة قال لك أنا أحب كدا وكدا وحنبسط مرة مرة مرة لوسويت لي هادي الاشياء .. ؟!
وقال لك أنا أكره كدا وكدا وكدا و أتمنى أنك ماتسويها .. ؟!
إيش تبغى أحلى من كدا !! وفر عليك عناء البحث والمصادر الخاصة و الرشاوي والمطاردات و القتل
<< مكثر أفلام أنتا دحين تشوف حبيبك صفحة قدامك تعرف أيش الي يفرحه و أيش الي يكرهه !!
ياااهوووووووو أيش الحلاوة دي !!طيب تخيل واحد يقول أنا أمووووووووووت في حبيبي و يعرف انو حبيبيه يحب كدا ويكره كدا ومطنش ونايم في العسل !!
هذا بالله يحب ؟ .. أكيد لأطيب لمن تعرف أنو حبيبك الأسمى محمد صلى الله عليه و سلم يحب أنك تصلي السنن الرواتب ، يحب أنك تصلي الوتر ، يحب أنك تصوم 3 أيام في الشهر بس !!
لمن تعرف انو يكره أنك تخوض في الشبهات لمن تعرف أنو يكره أنك تأخر الصلاة عن وقتها ، يكره أنك تقص قصات غريبة عجيبة !!
لمن تعرف انو يزعل مرة لمن تترك الصلاة يزعل أكثر لمن تقول لأمك ولا لأبوك ( أوف ) يزعل لمن تحلف كاذب !!
كل هذا تعرفه وبدون تعب ولأنه هو يحبك قال لك أياها ومازلت تعاند !! مازلت غير مهتم !!
أسألك بالله هذا حُب ؟!
أنتظر تعليقاتكم... محبتكم /حورية صغيرة
وحدة تكتب
