أهـــ الرياض ـــــل
ياهل الرياض القلب زايد حنانه
حبآ جذبني بالحشا عمر مغروس
عهدآ مضى ولى وتلاشا زمانه
واليوم اشوفك ديرتي بثوب عاروس
عهدآ علي والعهد اكبر امانه
ترضخ بحبك يالرياض ان علت روس
يامهرتي لو ارتمي بالمهانه
ياديرتي بالقلب تبقين ناقوس
لجـــــــ تنشاف ــــل
يشهد على الله فلا ابي بها اثمان
ولاعرضة حروفها لجل تنشاف
ولا كتبت الي كتبته ومنان
لاكن جبرني الحرف غصبآ بلزهاف
لفظي حداني يوم يظهر كحيلان
ويصير بالتلفاز بالعين ينشاف
قدام عين وقفت صورة انسان
وجهه يشع بخير قلبه بالطياف
وتظهر على سمات وجهه والعيان
طيبة بشر من طيب طيبه فلا يعاف
لوهو كواني سافي الوقت يزدان
لو كان عوزي في جواره للجحاف
تدرون منهو ذى تدرون ياخوان
هذا ابو متعب وهذا ابن الانصاف
مقطاع حق وفعل لي قالك كان
يصير لهو ماستوى بين الاعراف
عبدالله الي صام ومعن بالاركان
وادى على قدرة بشر حي مظياف
وأختم حروف ولارتوى هاجسي جان
بوصوف ماتوصف على غيره اصناف
ودعاي للمولى الوالي عالي الشان
يحفظ كريم الفود عن بقعا الاتلاف
نجد
انا من ياقـف بعـين الضـّياع ويـنـثـر دموعه
-------------وياقـف لـلفرح شاكـي وجـع قـلـبه ومآساتـه
انا يانجد لو اخضع خضعـلي الكون بشموعه
-------------صحيح تصير لي دنيا ولاكن عـكـس ماجاتـه
ترى قلبي على فطرة كريم وهذي طـبـوعــه
-------------ابـوي الـلي بـنـا طـبـعـي ودعـني بـدنـيـاتـه
تركني يوم حس اني قديت الي على طـوعـه
-------------اطيـع الراي من كـلمـه والـبي كـل مـشهـاتـه
انا لو قلت لك مغـرم فـنا خالـفـت مـشروعــه
-------------ولاكـني بوله عاشق بـعـشـقـه صاغ كــلماتـه
عبير الحرف يطربني ويطربني على طلوعه
-------------لامــن قـاللي كـلـمـه يـضـم صغـيِّـر شــفـاتــه
ترى في عالمي دنيا فقير وهاجـسي جـوعـه
-------------اذا وقتي نوى بي خير ابي اسمع بس همساته
حبيبي كان لي الـزاد وكـان لـقـلـبي دروعـه
-------------وكان الي يصبرني عـلى اوجـاعي بـضحـكـاته
انا يانجد لو اخضع خضعـلي الكون بشموعه
-------------صحيح تصير لي دنيا ولاكـن عـكـس ماجـاتـه
حــ الثماله ـــدود
مسكره هي المعاني تعدت حدود الثماله
واصبحت عقد يزين عنقها وهي جميله
والتبس حرفي بغيدا نجد والقلب استماله
عطرها وريحة نفالها ولمسة البدو الاصيله
ديرتي ماهي بديره ديرتي البدر وخياله
ديرتي صفحة نقاوه سدو واجمالآ تشيله
من بيارق باديه لين اهل القرى اهل الجزاله
لنفود الي يذري رملها ريحآ عليله
كلها في بعضها دارآ بها روم الشكاله
عزوتآ لمن تناخت موت وسيوف وفتيله
قادها عبد العزيز بحكمته وحكمة عياله
لين صار الخير فيها من عطا ربي وجلاله
وستوى فيها معاش الناس وتعليم ومثاله
وصبحت نبراس علمآ يفي من ضرما ظلاله
السعوديه وربي والرياض ارض البساله
ديرتي الي لها ارجع لو بها اشوف النكاله
ويش يعني لي عداها ويش لو حالي هزيله
دامني وسط القرايب والجماعه والقبيله
ماهقيت اني ابدل ارضها لوهي محيله
وكان لي قوت بالدنيا على رب الوسيله
الله الي يرزق المخلوق بعزه وصاله
ساقني للقاف فيها كم مــواقفها نبيله
هــــ الدار ـــل
حي الرياض وحي ديرة هل الدار
الي بهم فطن المعاني الفهيمه
حماسة البن اليماني على النار
من بينهم يعرف على اي قيمه
دارآ سكنها احرار من نسل اخيار
اجواد يدعونك بقدر وحشيمه
من كل فج وصوب يجيك مسيار
يلفيك من زمل الضعون ومقيمه
يتجمهرون بساحة البيت خطار
وعيد المعزب يوم تجي الوليمه
حي المسامر بينهم كم يجلي امرار
تراكمت من هالظروف السقيمه
مع هرجة الفهيم طلقين الشبار
من كل قومآ راسهم والعديمه
وفريس من سافي عصورآ بها غار
على ظهور الخيل يوم اللزيمه
وشيبان تحكي قصة الجار والثار
ويعززون الطيب بشعر ونظيمه
وسوالفآ ماغيبت كل مغوار
صبر وجلاد وعز نفس وحليمه
هذي مجالس لاخلت منها القطار
واذا خلت منها ترها بلا اي قيمه
لا يوجد حالياً أي تعليق