كثر مابالجفا حسره يزيد من اشتعال النار
يكون الوصل مثل الثلج يطفي قلوب مقهوره
كثر مابالعيون دموع نخفي في خدرها أسرار
بتفضحنا معاني الشعر والابيات وسطوره
كثر حنية ابياتك ..عليها حزن كاسك دار
تفننتي باحزانك ...رسمتي للظلم صوره
وأبدعتي وحق البيت لفتي يمك الانظار
قدرتي تنثري الامال..بطيف احلام مهجوره
وأوقات الفرح يلي ...ننظارها بالف منظار
عساها يوم تناظرنا ولو هي نظره ميسوره
أحاول أرسم البسمه ..لطلتها أبي تذكار
ألاقي بسمتي صارت ..أبد ماهي بمقدوره
أغص بضحكتي واحزن وياخذني الحزن مشوار
ألاياطول مشوارألا يا ما اكثر حضوره
أبي أحلم مثل حلمك ..أبي ورد أبي أزهار
أبي حزني يفارق لي سنين العمر وشهوره
أبي أحيا عمر ثاني ترى مليت (م) التكرار
أبي أفرح أبي أضحك وحزني ينتهي دوره
أبكسر عود وناتي واقطع كل ابو الاوتار
وبعرف في سما فرحي وحزني قبوره
عسى الفرحه تلاقيها بدربك ليل ويا نهار
على زرع ألامل فيني و(ع) ألاحلام مشكوره
وصفتيلي دوا حزني بأبياتك وبالاشعار
صدق والله ودكتوره.... ودكتوره... ودكتوره
